Ekijaqty yntymaqtastyqty damytý sheńberinde 2024 jylǵy 20 qarashada Qazaqstan Respýblıkasynyń Ekologıa jáne tabıǵı resýrstar vıse-mınıstri M.T. Oshýrbaev Reseı Federasıasy Sahalın oblysy Úkimeti tóraǵasynyń orynbasary V. V. Alenkovpen kezdesý ótkizdi.
Kezdesý barysynda kómirtekti retteý júıelerin qurýda tájirıbe almasýdyń negizgi máseleleri talqylandy. Eki tarap Klımattyq saıasatty jaqsartý jáne ekologıalyq bastamalardy iske asyrý boıynsha birlesip jumys isteýge daıyn ekendikterin bildirdi, dep habarlaıdy aqshamnews.kz.
Tómendegilerge erekshe nazar aýdaryldy:
Halyqaralyq forýmǵa shaqyrý: Sahalın oblysy Qazaqstan Respýblıkasynyń delegasıasyn 2025 jylǵy 15-16 mamyrda Sahalınde ótetin BRIKS elderiniń halyqaralyq ekologıalyq-klımattyq forýmyna shaqyrýdy josparlap otyr. Forým turaqty damý salasyndaǵy ıdeıalarmen jáne úzdik tájirıbelermen almasý úshin mańyzdy alańǵa aınalady.
Sahalın oblysy 2025 jyldyń qorytyndysy boıynsha kómirtegi beıtaraptyǵyna qol jetkizýdi josparlap otyr.
Óz kezeginde, Qazaqstan Respýblıkasynyń 2060 jylǵa deıingi kómirtegi beıtaraptyǵyna qol jetkizý strategıasy osyndaı qujatty ázirleý úshin úlgi bolyp tabylady.
Kezdesý sońynda taraptar turaqty bolashaqty qamtamasyz etýge baǵyttalǵan klımattyq saladaǵy áriptestikti odan ári damytýǵa ózara qyzyǵýshylyqty rastady.