Energetıkalyq sýsyn – quramynda kofeın, qant, psıhostımýlátorlyq zattar qospalary (mateın, gýarana, jenshen, shóp syǵyndylary, sıklamat, saharın, sýkraloza) bar, ortalyq júıke júıesine stımýlátor retinde áreket etetin psıhıkalyq jáne fızıkalyq adamdardyń densaýlyǵyna áser etetin táýeldilikti týdyratyn gazdalǵan alkogólsiz nemese alkogoli az sýsyn.
Múftıat energetıkalyq sýsyndarǵa qatysty joǵaryda keltirilgen túsiniktemeni bere kele, kelesideı naqtylaı túsedi, dep habarlaıdy aqshamnews.kz.
- Alkogóldi energetıkalyq sýsyndar. Energetıkalyq sýsyndardyń quramynda alkogól az mólsherde bolsa da ony ishýge tyıym salynady. Paıǵambarymyz (oǵan Allanyń salaýaty men sálemi bolsyn):
«Mas etetin nárseniń azy da, kóbi de – haram», – dep aıtqan.
- Alkogólsiz energetıkalyq sýsyndar. Kez kelgen sýsynnyń quramynda alkogól, zıandy zattar, haram, nájis nárseler bolmasa ony qoldanýǵa ruqsat etiledi. Al quramynda adam balasynyń densaýlyǵyna zıan beretin zattar bolsa (alkogól, qaýipti zattar, haram, nájis t.b.) qoldanýǵa tyıym salynady. Alla Taǵala qasıetti Quranda:
QMDB pátýasyna saı, energetıkalyq sýsyndardy jıi qoldaný aǵzaǵa (júrekke, júıke júıesine, qan qysymynyń joǵarylaýyna, qant dıabetine, semizdikke, aıaq-qoldyń diriline, t.s.s.) qaýipti ekeni medısına turǵysynan naqtylanǵan. Sondyqtan musylman adamǵa mundaı sýsyndardan aýlaq bolǵany durys.
- Sýsynnyń quramynda sharıǵatta tyıym salynǵan nárseler bolmasa, ony qoldanýǵa ruqsat.
- Alkogóldy energetıkalyq sýsyndardy ishý – haram.
- Energetıkalyq sýsyndardy jıi qoldanýdyń aǵzaǵa qaýipti ekeni medısına turǵysynan naqtylanǵan bolsa, ony qoldanýǵa tyıym salynady.