Qazaqstan azamattary memlekettik shekaradan ótken soń Qytaı aýmaǵynda 30 kúnge deıin vızasyz bola alady.
Mundaı ereje Qytaı Halyq Respýblıkasynyń azamattaryna da qatysty, dep habarlaıdy Almaty-akshamy.kz Egemen.kz-ke silteme jasap.
Syrtqy ister mınıstrligi daıyndaǵan qaýlyǵa sáıkes, eki el azamattary týrızm, emdelý, tranzıt nemese iskerlik kezdesý maqsatynda kórshi elde 30 táýlikke deıin bolsa, vıza talaptarynan bosatylady.
Eger Qazaqstan men Qytaı azamaty kórshi elde belgilengen merzimnen uzaǵyraq qalǵysy kelse, shekarany kesip ótkenge deıin vızaǵa ótinish berýi qajet.
Sonymen qatar qaýly boıynsha taraptardyń biri ulttyq qaýipsizdik, qoǵamdyq tártipti nemese halyqtyń densaýlyǵyn saqtaý maqsatynda elge kirý kezinde qujat berýden bas tartýǵa quqyly. Eki el arasyndaǵy kelisimge 2023 jyldyń mamyrynda, syrtqy ister mınıstri Murat Nurtileýdiń Qytaıǵa sapary kezinde qol qoıylady. Al qujattyń mátini 26 sáýirge deıin qoǵam talqysynda bolmaq.