Dostyq stansıasyndaǵy bul jańa termınal eki aı buryn ǵana ashylǵan.
Táýligine 8 poıyzǵa qyzmet kórsetýge qaýqarly. Jańa tehnologıa konteınerlerdi jyldam tasymaldaýǵa múmkindik bermek, dep habarlaıdy almaty-akshamy.kz qazaqstan.tv.
Qýanysh Qanatuly, tilshi:
Júk konteınerlerin túsirip, tıeıtin bul krandardyń ereksheligi jyldamdyǵy sekýndyna 28 metr jel soqsa da jumysyn toqtatpaı isteı beredi. Dál qazir bul termınalda eki kran bar. Kelesi jyly taǵy da bireýin ornatý josparlanyp otyr.
Al bul termınal táýligine alty poezǵa qyzmet kórsetedi.Konteınerlerdi túsirip alýǵa jańa tehnıka óz septigin tıgizýde.
Asqat Súleev, Bas Injener:
Búgingi tańda 110 qyzmetker bar. Bizde vahtalyq metod bolyp esepteledi. 15 kún demalyp, 15 kún jumys jasaıdy. Bir vahtada alpys, jetpis kisige deıin bolady ǵoı.
Jalpy Dostyq stansıasynda on bes termınal bar. Onyń beseýi tek konteıner tıeýmen aınalysady. Prezıdent joldaýyna sáıkes aldaǵy ýaqytta termınal sanyn eseleý josparlanǵan.
Maqsat Mámbetqulov, Dostyq stansıasynyń bastyǵy:
Búgingi kúnge biz 15-16 poez tapsyryp jatyrmyz. Aldymyzda Qytaı memleketimen úlken jınalystar ótkizip, tapsyrý jaǵyn odan da úlkeıtsek pe degen jumystar atqarylyp jatyr.18 poezǵa sheıin jumys atqaramyz.
Dostyq stansıasynda konteınerlerden bólek avtokólik tasymaldaý josparlanǵan. Termınalda qazir osy joba boıynsha daıyndyq jumystary pysyqtalýda.