QR Mádenıet jáne aqparat vıse-mınıstri Qanat Ysqaqov QHR Memlekettik habar taratý jáne teledıdar basqarmasy basshysynyń orynbasary Ian Gojýımen kezdesti.
Kezdesýde taraptar birqatar birlesken jobalardyń iske asyrylý barysyn, sondaı-aq radıohabar taratý jáne teledıdar salasyndaǵy yntymaqtastyqty kúshetý máselelerin talqylady, dep habarlaıdy Almaty-akshamy.kz.
Qanat Ysqaqov jyldar boıy eki el túrli salada, sonyń ishinde mádenıet pen aqparat salalarynda seriktestikti belsendi damytyp kele jatqanyn atap ótti.
«Biz qazaqstandyq jáne qytaılyq buqaralyq aqparat quraldary arasyndaǵy yntymaqtastyq tabysty damyp kele jatqanyn maqtan tutamyz. QR Mádenıet jáne aqparat mınıstrliginiń osy jyldyń sáýir aıynda Hefeı qalasynda ótken SHYU-ǵa qatysýshy elderdiń qyzmetkerlerine arnalǵan semınarǵa qatysýyn atap ótý mańyzdy. Bul Qazaqstannyń óńirlik bastamalar sheńberindegi medıa-yntymaqtastyqty damytýda belsendi rólin kórsetedi»,- dedi vıse-mınıstr.
Óz kezeginde Ian Gojýı ózin jyly qabyldaǵany úshin alǵys bildirip, odan ári yntymaqtastyqty damytý jóninde usynystar aıtty.