«Astana – Almaty» avtomobıl jolyn rekonstrýksıalaý jobasyn júzege asyrý aıasynda shamamen 2,5 mıllıon tonna asfált tóseý josparlanýda, dep habarlaıdy Almaty-akshamy.kz Kólik mınıstrligine silteme jasap.
«Qazirgi ýaqytta respýblıkalyq mańyzy bar avtojoldarǵa bir mıllıon tonnaǵa jýyq asfáltbeton tóseldi. Máselen, Astana men Almatyny jalǵaıtyn «Ortalyq – Ońtústik» dálizin rekonstrýksıalaý jobasyna 560 myń tonna asfáltbeton tóselgen. «Aqtóbe – Qandyaǵash» jobasynda 125 myń tonna asfált tóseldi jáne t.b.», — dedi QR Kólik mınıstrligi Avtomobıl joldary komıtetiniń tóraǵasy Tólegen Abdýllın.
«Taldyqorǵan – Óskemen» tasjolyn rekonstrýksıalaý barysynda 638 myń tonna asfáltbeton paıdalaný kózdelgen. Al «Atyraý – Astrahan» avtojolyn rekonstrýksıalaýdy aıaqtaýúshin 500 myń tonnaǵa jýyq asfáltbeton tóseý josparlanýda.
Bıylǵy jol qurylysy maýsymy aıasynda QR Kólik mınıstrligi 12 myń shaqyrym joldy qurylys jumystarymen qamtymak. Bul – rekordtyq kórsetkish. Máselen, respýblıkalyq mańyzy bar 5,3 myń shaqyrym jolda jóndeý jumystary jalǵasyn tapsa, 4,2 myń jergilikti mańyzǵa ıe jol jóndeý jumystarymen qamtylady.
Sonymen qatar Kólik mınıstrligi salynǵannan beri jóndeý jumystary júrgizilmegen joldardy ortasha jóndeýmen qamtý boıynsha jańa aýqymdy baǵdarlamany iske asyrady. 2,5 myń shaqyrym jol ortasha jóndeý jumystarymen qamtylady. Bul oblysaralyq baılanysty aıtarlyqtaı jaqsartýǵa múmkindik beredi. Mysaly, 4 oblystyń aýmaǵy arqyly ótetin «Jezqazǵan – Petropavl» avtojoly ortasha jóndeý jumystarymen qamtylady. Aqtóbe oblysyndaǵy «Qandyaǵash – Embi – Shalqar – Yrǵyz» tasjolyn, al Shyǵys Qazaqstan jáne Abaı oblystarynda Óskemen men Semeı arasyndaǵy avtomobıl joly jóndelmek.