Qazaqstandyqtar ushar aldynda ózin-ózi oqshaýlaýda 10 kún ótkizip, eki zerthanaǵa eki PTR-test tapsyrýǵa tıis
Qazaqstan men Qytaı 1 shildeden bastap tikeleı áýe qatynasyn jandandyrady, dep habarlaıdy Almaty-akshamy.kz Almaty.tv-ge silteme jasap.
Qazaqstan koronavırýstyń el aýmaǵynda taralýyna jol bermeý maqsatynda 2020 jyldyń aqpanynda Qytaımen turaqty jolaýshylar avıatasymalyn toqtatty.
"Qytaı men Qazaqstan arasyndaǵy tıisti kelisimge sáıkes, 1 shildede eki el arasyndaǵy tikeleı komersıalyq reıster qaıta jandandy", - delingen QHR-dyń Nur-Sultandaǵy elshiligi taratqan málimette.
Qazaqstannan Qytaıǵa baratyn jolaýshylarǵa birqatar rásimnen ótý qajet ekeni túsindirilgen. Olar ushý aldynda oqshaýlanýǵa 10 kún jumsaýy kerek, densaýlyǵyn óz betinshe baqylap, tıisti kepildik hatqa qol qoıýy kerek.