Munda 100-den astam jabaıy qaban mekendeıdi
Almaty oblysyndaǵy «Altyn-Emel» ulttyq parkinde jabaıy qaban toraılarymen birge fototuzaqqa túsip qaldy, dep habarlaıdy Almaty-akshamy.kz QazAqparatqa silteme jasap.
Bul týraly aqparat «Altyn – Emel» tabıǵı parkiniń Instagram-daǵy paraqshasynda jarıalandy.
«Qystan aman shyqqan toraılar «Altyn-Emel» ulttyq parkinde serýenge shyqqan. Vıdeodan olardyń bulaqqa sý ishý úshin emes, batpaqqa aýnaý úshin kelgeni kórinip tur. Sebebi, olar osylaısha kenelerden qorǵanady», - delingen áleýmettik jelidegi paraqshada.
Ulttyq parktiń málimetinshe, munda 100-den astam jabaıy qaban mekendeıdi. Sondaı-aq, qabandardyń kúnine orta eseppen 4-5 myń kalorıa azyq jep, tamaqtyń ıisin bes shaqyrymnan astam qashyqtyqtan sezetini jazylǵan.
Buǵan deıin ilbistiń «Altyn-Emel» ulttyq parkinde túsirilgen sırek kezdesetin sýretteri jelide jarıalanǵanyn habarlaǵan bolatynbyz.