Varshava – Nur-Sultan – Varshava baǵytyndaǵy alǵashqy reıs 10 maýsymnan bastalmaq.
Varshava jáne Nur-Sultan qalalary arasyndaǵy reısterdi Polshanyń LOT Polish Airlines áýe kompanıasy qaıta jańǵyrtyp, aptasyna 1 reıspen ushyrýdy josparlap otyr, dep habarlaıdy Almaty-akshamy.kz QR IIDM-nyń baspasóóz qyzmetine silteme jasap.
Eki el astanalary arasyndaǵy reısterdi aptanyń dúısenbi kúnderi B–737 áýe kemesi júzege asyrady.
Mundaı sheshimdi Qazaqstan Respýblıkasynyń aýmaǵynda koronavırýstyq ınfeksıanyń paıda bolýy men taralýyna jol bermeý jónindegi vedomstvoaralyq komısıa 2021 jylǵy 28 mamyrda qabyldady.
Qazaqstan men Polsha arasyndaǵy reıster sanyn ulǵaıtý týraly sheshim epıdemıologıalyq jaǵdaıǵa jáne vedomstvoaralyq komısıanyń tıisti sheshimderine baılanysty qabyldanady.
Reıster sanıtarlyq-epıdemıologıalyq talaptardy qatań saqtaı otyryp jáne áýe kompanıasynyń saıtynda jarıalanǵan kestege sáıkes oryndalady.