Qazaqstanda orman sharýashylyǵy damýda
Orman sharýashylyqtary jylyna ónim shyǵarý kólemin 4%-ǵa arttyrdy, dep habarlaıdy Almaty-akshamy.kz Energyprom.kz caıtyna silteme jasap.
Qyzmetterdiń 89%-y orman sharýashylyǵyna, 11%-y aǵash daıyndaýǵa tıesili.
2020 jyly orman sharýashylyǵynda óndirilgen ónim men kórsetilgen qyzmet kólemi 15,8 mlrd teńgeni qurady, qundyq mánde bir jyl burynǵyǵa qaraǵanda 5%-ǵa artyq. Naqty ósim 4,3%-dy qurady.
Óndiristiń eń kóp kólemi Túrkistan oblysyna tıesili: 2,2 mlrd tg, ósim jylyna 5 ese. Kóshbasshy óńirlerdiń úshtigine Aqmola oblysy men Astana kirdi. Eń az kólem Atyraý oblysyna keldi: barlyǵy 5,3 mln tg.
Anyqtama úshin: 2019 jyly sektorda ónim shyǵarý 15,1 mlrd teńgeni qurady, bul aldyńǵy jylǵa qaraǵanda 1,1%-ǵa az.
Ónimniń negizgi kólemi orman sharýashylyǵy salasyna tıesili: 14 mlrd teńge — qundyq mánde bir jyl burynǵyǵa qaraǵanda 5,7%-ǵa artyq (naqty ósim - 5,2%). Onyń ishinde 11,6 mlrd teńge orman sharýashylyǵy salasyndaǵy qyzmetterge, 1,6 mlrd teńge aǵash kesý kezinde alynǵan súrek daıyndaýǵa, 666,7 mln teńge orman pıtomnıkteri qyzmetine, 181,1 mln teńge orman aǵashtarynyń tuqymdaryn daıyndaýǵa jumsaldy.
Taǵy 11,3% aǵash daıyndaý salasyndaǵy qyzmetter qurady: 1,8 mlrd tg — bir jyl burynǵyǵa qaraǵanda 0,2%-ǵa az (naqty quldyraý - 2,3%-ǵa). Onyń ishinde 1,4 mlrd teńge óńdelmegen súrek pen jabaıy ósetin aǵash emes ónimderdi daıyndaýǵa, 384,2 mln teńge aǵash daıyndaý salasyndaǵy qyzmetterge jumsaldy.
Aǵymdaǵy jyldyń birinshi toqsanynyń qorytyndysy boıynsha orman sharýashylyǵy óniminiń, aǵash daıyndaý men osy salalardaǵy kórsetiletin qyzmetterdiń baǵasy bir jylda 1,7%-ǵa ósti. Onyń ishinde óńdelmegen súrek 4,3%-ǵa, orman sharýashylyǵynda kórsetiletin qyzmetter 0,5%-ǵa qymbattady.
Kesýge arnalǵan materıaldar arasynda qaraǵaıdyń quny tekshe metr úshin 14,2 myń teńgeni, qaıyńnyń quny 4,2 myń teńgeni qurady.
Soltústik Qazaqstanda turǵyndar jergilikti orman ekpelerin qorǵaýǵa májbúr boldy, dep habarlaıdy "Astana"telearnasy. Jasyl aǵashtardyń jolaǵy elý jylǵa jýyq.
Adamdardy shańnan, qardan jáne joldan shyǵatyn gazdardan qorǵaıtyn orman alqabynyń ornynda olar taǵy bir kafe salýǵa tyrysýda.