Qalamyzda Ashyq jobasynyń iske asyrylý kórsetkishi qandaı deńgeıde?
Bul týraly búgin Almaty Kásipkerler palatasynyń dırektory Aıtýar Qoshmambetov Óńirlik komýnıkasıalar qyzmetiniń onlaın-brıfınginde aıtyp berdi, dep habarlaıdy Almaty-akshamy.kz.
Sáýir aıynyń sońynda Ashyq júıesin qoldanatyn 367 kásipker bolsa, qazir olardyń sany 1700-ge jetti.
Jobaǵa qatysýshylar tiziminde 128 fıtnes-ortalyq, 40 SPA-salon, 38 baseın, 5 boýlıń-klýb, 18 bılárd, 110 kompúterlik klýb, 110 monsha, 1096 qoǵamdyq tamaqtaný nysany, 33 karaoke, 19 kınoteatr, teatrlar men konsert zaldary bar.
Testilik rejımde 232 bıznes sýbektisi jumys isteıdi. Jobaǵa erikti túrde 44 nysan qatysady jáne 3-eýi qosylǵysy keledi.
«Joba Kaspi.kz-pen birikti, endi siz mártebeńizdi bank qosymshasynda bile alasyz. Sondaı-aq kelesi kezeńde servısti Egov Mobile men Halyk bank-te jarıalaý josparlandy. Aldaǵy ýaqytta qamtylatyn qyzmet salasy týraly aıtatyn bolsaq, bul barlyq áýejaılar, temirjol vokzaldary, fýdkort, JOO men basqalary», - dedi Aıtýar Qoshmambetov.