Kólik mınıstrligi ǵımaratynda halyqaralyq avtomobıl tasymaldary jóninde Kazaqstan-Polsha aralas komısıasynyń kezekti otyrysy ótti.
Taraptar Qazaqstan men Polsha arasyndaǵy júk tasymaldarynyń kólemi týraly aqparat almasyp, eki el arasynda avtomobıl kóligimen júk tasymaly kólemi ulǵaıǵanyn atap ótti, dep habarlaıdy aqshamnews.kz.
Kólik mınıstrliginiń málimetinshe, 2024 jyldyń qorytyndysy boıynsha eki memleket arasynda avtomobıl kóligimen júk tasymaldary kólemi 5%-ǵa ósip, jalpy kórsetkish 360 myń tonna júkti qurady.
Kelissóz barysynda eki jaq yntymaqtastyqty odan ári damytý máselelerin talqylady. Máselen, sheteldik ruqsat berý blankilerin elektrondyq formatqa aýystyrý jáne 2025 jylǵa arnalǵan sheteldik blankiniń naqty kvotasy bekitildi.
Kezdesýdi qorytyndylaı kele eki el mamandary birlesken jumystyń mańyzyn atap ótip, avtomobıl kóligi salasynda yntymaqtastyqty odan ári nyǵaıtatyndaryn aıtty. Otyrys qorytyndysy boıynsha arnaıy hattamaǵa qol qoıyldy.