Aǵymdaǵy kezeńdegi statısıkalyq derekter taýarlar saýdasy kóleminiń údemeli qalpyna kelýin rastaıdy.
Qazaqstan Respýblıkasynyń Saýda jáne ıntegrasıa mınıstri Baqyt Sultanov Ózbekstan Respýblıkasy Investısıalar jáne syrtqy saýda mınıstriniń orynbasary Badrıddın Abıdovpen elder arasyndaǵy saýda qatynastaryn nyǵaıtý máseleleri boıynsha kezdesti, dep habarlaıdy Almaty-akshamy.kz Caýda jáne ıntegrasıa mınıstrliginiń baspasóz qyzmetine silteme jasap.
Baqyt Sultanov Ózbekstan Qazaqstannyń Ortalyq Azıadaǵy negizgi saýda seriktesi ekenin atap ótti. Máselen, aǵymdaǵy kezeńdegi statısıkalyq derekter taýarlar saýdasy kóleminiń údemeli qalpyna kelýin rastaıdy.
«Tek 2021 jyldyń qańtar-sáýir aılarynda ǵana taýar aınalymy $1,2 mlrd qurady, bul ótken jyldyń sáıkes kezeńiniń kórsetkishinen 41,3%-ǵa joǵary ($0,8 mlrd.). Eksport 54%-ǵa ósip, $899,2 mln qurady, ımport 11%-ǵa artyp, $272,0 mln Qurady», – dep habarlady Baqyt Sultanov.
2021 jylǵy 1 qańtardan bastap Ózbekstan ımportqa aksızderdi qoldanbaıtynyn atap ótý qajet. Osylaısha, 2021 jyldyń 4 aıy ishinde Qazaqstannan Ózbekstanǵa aksızdeletin taýarlar eksportynyń 85 taýar pozısıalary boıynsha (SEQ TN 10 belgisinde) $50,3 mln somasyna 74,3%-ǵa óskeni baıqalady, 2020 jyldyń uqsas kezeńinde osy taýarlar boıynsha eksport kólemi $28,9 mln qurdy.
Sonymen qatar, taraptar 2021 jylǵy 10 sáýirde HSEYO kapsýlasyn salý rásiminiń qorytyndysy boıynsha qol qoıylǵan «Ortalyq Azıa» halyqaralyq saýda-ekonomıkalyq yntymaqtastyq ortalyǵynyń qyzmetin uıymdastyrý jónindegi is-sharalar josparyn» iske asyrý barysyn egjeı-tegjeıli talqylady.
Taraptar Tujyrymdama jobasyn talqylaý jáne kelisýboıynsha múddeli memlekettik organdar men uıymdar qatarynan qalyptastyrylǵan ekijaqty Jumys toby sheginde kelissózderdi qarqyndatýdyń qajettiligin atap ótti.
Sonymen qatar, Baqyt Sultanov qurylyp jatqan HSEYO jobasynyń, onyń ishinde olarǵa «qolaıly oryn aýystyrý qaǵıdatyn» týǵyza otyryp, eki eldiń eńbek resýrstaryn tartý arqyly eksportqa baǵdarlanǵan ónimdi óndirý jóninde kooperasıalyq jobalardy onyń alańynda qurý boıynsha úlken áleýetin qaıtalap atap ótti.
Óz kezeginde, Ózbekstan Respýblıkasy Investısıalar jáne syrtqy saýda mınıstriniń orynbasary Badrıddın Abıdov «HSEYO» jobasy aıasynda Ózbekstan barlyq saýda kedergilerin joıýǵa jáne ózara saýdany kúsheıtýge daıyn ekenin habarlady.
Taraptar, sondaı-aq, kóterme-taratý men logıstıkalyq ortalyqtardy jańadan qurý jáne qoldanystaǵylardy ıntegrasıalaý negizinde birlesken taýar ótkizý jelisin qalyptastyrý máselesin talqylady.
Jáne te, Baqyt Sultanov Ózbekstan men Aýǵanystan shekarasynda «Termez» halyqaralyq saýda ortalyǵy jobasyn iske asyrýǵa qazaqstan tarapynyń qatysýyna múddeliligin bildirdi.
Kezdesýdiń qorytyndysy boıynsha memleketter arasyndaǵy saýda-ekonomıkalyq yntymaqtastyqty dodan ári amytý maqsatynda, sondaı-aq yntymaqtastyq úshin áleýettiń bar ekenin ataı otyryp, taraptar úsh qujatqa: «Qazaqstan Respýblıkasynyń Saýda jáne ıntegrasıa mınıstrligi men Ózbekstan Respýblıkasynyń Investısıalar jáne syrtqy saýda mınıstrligi arasyndaǵy saýda qatynastaryn damytý máseleleri boıynsha yntymaqtastyq týraly memorandýmǵa», «Qazaqstan Respýblıkasynyń Saýda jáne ıntegrasıa mınıstrligi men Ózbekstan Respýblıkasynyń Investısıalar jáne syrtqy saýda mınıstrligi arasyndaǵy yntymaqtastyq týraly memorandýmǵa», «Taýar ótkizý júıesin qurý boıynsha jobany birlesip iske asyrý máseleleri boıynsha yntymaqtastyq týraly memorandýmǵa» qol qoıýǵa kelisti.