Memlekettik búdjet shyǵystary bir jylda 18%-ǵa ósti. Qarajattyń tórtten bir bóligi áleýmettik kómek pen áleýmettik qamsyzdandyrýǵa jumsaldy
Aǵymdaǵy jyly búdjet shyǵyndaryndaǵy áleýmettik salanyń salmaǵyn jartysyna deıin jetkizý josparlanýda, dep habarlaıdy Almaty-akshamy.kz Finprom.kz saıtyna siltemelep.
2021 jyldyń birinshi toqsanynda memlekettik búdjettiń shyǵyndary 3,8 trln teńgeni qurady, bul, bir jyl burynǵyǵa qaraǵanda, birden 18%-ǵa artyq. Memlekettik búdjettiń shyǵystary 99,5%-ǵa oryndaldy.
Tikeleı sáýirde shyǵyndar bir jyl buryn, osyǵan uqsas kezeńge qaraǵanda, 13,9%-ǵa, 1,2 trln teńgege deıin ósti.
Salystyrý úshin: ótken jyldyń birinshi toqsanynda shyǵyndar 3,2 trln teńgeni, jyldyq ósim 15%-dy qurady.
Memlekettik shyǵystardyń basym bóligi dástúrli túrde áleýmettik kómek pen áleýmettik qamsyzdandyrýǵa tıesili boldy: bir jyl burynǵy 894,7 mlrd teńgege qarsy 1 trln teńge, oǵan qosa bir jyl ishinde 11,9%.
Ekinshi qatarda bilim alýǵa arnalǵan shyǵystar boldy: 793,9 mlrd teńge, ótken jylmen salystyrǵanda, 17,6%-ǵa artyq. Budan ári densaýlyq saqtaýǵa jumsalatyn shyǵyndar: 590,2 mlrd teńge, ósim — jylyna 1,5 ese.
Barlyq negizgi baptar boıynsha shyǵyndar kóbeıdi. Buǵan jalpy sıpattaǵy memlekettik qyzmetterge (mınýs 2%, 205,3 mlrd teńgege deıin); Kólik jáne komýnıkasıalarǵa (mınýs 3,8%, 111,7 mlrd teńgege deıin); mádenıetke, sportqa, týrızmge jáne aqparattyq keńistikke (mınýs 11%, 99,4 mlrd teńgege deıin); ónerkásipke, sáýlet, qala qurylysy jáne qurylys qyzmetine (mınýs 39,6%, 4,9 mlrd teńgege deıin) shyǵystar qosylmaıdy.
"2021 jylǵa arnalǵan respýblıkalyq búdjetti naqtylaý týraly" zań jobasyna sáıkes, búdjettiń áleýmettik salasy jalpy 374 mlrd teńgege ulǵaıtylyp, 7,5 trln teńgeni nemese shyǵystardyń jalpy kóleminiń 48,7%-yn quraıdy, dep habarlaıdy QR qarjy mınıstrligi. Taǵy 2,4 trln teńge ekonomıkanyń naqty sektoryn qoldaýǵa baǵyttalady. Áleýetti qurylymdardyń shyǵystary 1,6 trln teńge somasynda josparlanǵan. Jalpymemlekettik shyǵystar 3,3 trln teńgege deıin tómendetildi.
Jalpy, 2020 jyldyń qańtar–jeltoqsan aılarynda áleýmettik kómek pen áleýmettik qamtamasyz etýge memlekettik búdjetten 3,8 trln teńge jumsaldy, bul bir jyl burynǵyǵa qaraǵanda, 9%-ǵa kóp. Sektor shyǵystarynyń úlesi 22,6%-dy qurady. 2021 jyldyń birinshi toqsanynda bul kórsetkish 26,2%-ǵa jetti.
