Fılm «Kishkentaı samýraı» dep atalady.
Qazirgi tańda fılm elimizdiń Balqash kóliniń mańynda túsirilip jatyr, dep habarlaıdy Almaty-akshamy.kz Elorda.info saıtyna silteme jasap.
Kúzde túsirilim Japonıada jalǵasyn tabady.
Fılmniń senarısi jáne rejıserleriniń biri - japonıalyq prodúser Sano Sındzú. Ekinshi rejıser - qazaqstandyq Erlan Nurmuhanbetov.
Negizgi rolderdi Samal Eslámova men Dárejan Ómirbaev, sondaı-aq qyrǵyzstandyq kınorejısser Arym Kýbat oınaıdy. Fılm keńes-japon soǵysy kezinde ákesin Sahalınge izdep kelip, biraq ózi tutqynǵa túsip, Qazaqstanǵa jer aýdarylǵan japon balanyń oqıǵasy týraly baıandaıdy. Ony Ybyraı esimdi qazaq balyqshy asyrap alǵan.