Qazaqstan men Fransıa basshylary birqatar qujatqa qol qoıdy

Búgin eki el basshysynyń kelissóz júrgizgenin habarlaǵanbyz.

Kelissózder nátıjesinde Qazaqstan men Fransıa basshylary Birlesken málimdeme jasady, dep habarlaıdy Almaty-akshamy.kz

Eki eldiń resmı delegasıa músheleri mynadaı qujattarǵa qol qoıdy:

1. Qazaqstan Respýblıkasynyń Úkimeti men Fransýz Respýblıkasynyń Úkimeti arasyndaǵy Qazaqstanda Fransýz damý agenttigi tobyn qurý jáne onyń jumys isteýi týraly kelisim;


2. Qazaqstan Respýblıkasynyń Úkimeti men Fransýz Respýblıkasynyń Úkimeti arasyndaǵy Qazaqstan Respýblıkasynda halyqaralyq (fransýz) mektepter ashýǵa jáne Qazaqstan Respýblıkasynyń bilim berý uıymdarynda fransýz tilin oqytýǵa qatysty kelisim;


3. Fransıa men Qazaqstan arasyndaǵy strategıalyq paıdaly qazbalar boıynsha yntymaqtastyq týraly birlesken nıet deklarasıasy;


4. «QazBioPharm «UH» AQ men Boehringer Ingelheim Animal Health France kompanıasy arasynda Qazaqstan Respýblıkasynda aýsylǵa qarsy vaksınany jergilikti óndirý boıynsha yntymaqtastyq, lısenzıa jáne jetkizý týraly kelisim;


5. Energıany jınaqtaý júıesi bar, jıyntyq qýaty 1 GVt jel elektr stansıalaryn salý jobasy boıynsha birlesken kásiporyn týraly kelisim;


6. «Qazaqstan Respýblıkasynda temirjol lokomotıvteri men jyljymaly quramdy, sondaı-aq temirjol tehnıkasynyń qosalqy bólshekterin óndirý jáne olarǵa servıstik qyzmet kórsetý» jobasyn iske asyrý jónindegi ınvestısıalar týraly kelisim.