Sınoptıkter kúzdiń úshinshi aıynyń basynda kún jyly bolady dep boljady.
Bul rette respýblıkanyń basym bóliginde sıklondar men antısıklondardyń aýysýymen jańbyr men qar jaýyp, kóktaıǵaq bolady, tuman túsip, ekpindi jel soǵady, kún raıy qubylmaly bolady, dep habarlaıdy Almaty-akshamy.kz.
Tek respýblıkanyń batysy men ońtústiginde – qarashanyń basynda, al birinshi onkúndiktiń ortasynan bastap Qazaqstan Respýblıkasynyń basym bóliginde jaýyn-shashyn toqtaıdy dep boljanady.
Qarashanyń birinshi onkúndiginiń sońy men ekinshi onkúndiginiń basynda antısıklonnyń álsireýimen kún jylynady.
Qarashanyń ekinshi jáne úshinshi onkúndiginde de kún raıy qubylmaly bolady: jyly jáne aıazdy kúnder jıi almasyp turady, jaýyn-shashyn (jańbyr, qar), ekpindi jel boljandy. Soltústik oblystarda keı kúnderi burqasyn bolýy múmkin, Qazaqstan Respýblıkasynyń aýmaǵynda kóktaıǵaq pen tumandy bolady.
Aldyn ala boljam boıynsha qarashada aýanyń ortasha aılyq temperatýrasy respýblıkanyń basym bóliginde normadan 1-2° joǵary, Jetisýdyń ońtústiginde jáne Almaty oblysynyń ońtústik-shyǵys jartysynda normaǵa jaqyn bolady dep boljandy.
Qarasha aıynda jaýyn-shashyn mólsheri respýblıkanyń basym bóliginde normaǵa jaqyn, Qyzylorda, Túrkistannyń basym bóliginde, Jambyldyń soltústik-batysynda, Mańǵystaý, Aqtóbeniń ońtústik-shyǵys jartysynda, Ulytaý oblysynyń ońtústik-batysynda normadan az bolady dep boljandy.