31 qazan kúni Almaty q. TJD "101" púltine Alataý aýdany Ótemis uly kóshesiniń qıylysynyń, Bak avtojol boıynda avtokólik órtendi.
Aýa-raıynyń qolaısyzdyǵy, uzaqqa sozylǵan jol keptelisi órt sóndirý tehnıkasynyń júrýine qıyndyq týdyrǵan, dep habarlaıdy Almaty-akshamy.kz Almaty qalasynyń Tótenshe jaǵdaılar departamentine silteme jasap.
Oqıǵa ornyna jetkende, órt sóndirýshiler aýmaǵy 1,5 sharshy metrdi qamtyǵan "Deý Neksıa" markaly avtokóliktiń motor men salony otqa oranǵanyn anyqtady, oǵan qosa bak benzın tolǵan jáne kóliktiń júk salǵyshynda GBO ornatylǵany týraly aqparat tústi. Qyzyl jalyn tolyǵymen joıyldy. Abyroı bolǵanda qurban bolǵan adamdar men zardap shekkender joq.
Órt sóndirý bólimsheleri kelgenge deıin sý tasıtyn jekemenshik kóliktiń júrgizýshisi Maǵjan Qalıhanov órtenip turǵan "Deý Neksıa" kórip, esh oılanbastan kómekke asyǵyp, jalynǵa oranǵan kólikti sóndire bastady. Osylaısha ol mashınanyń qyzyp ketýine jol bermeı, jarylystyń aldy alyndyi. Órtti sóndirýge taǵy eki kýáger Maǵjanǵa at salysty.
Órtengen kólikti basqarǵan júrgizýshiniń aıtýynsha, jol júrip kelejatqanda kapot astynan tútin shyǵyp, qaqpasyn ashqan boıda órt ári qaraı taralǵan. Ózi alańdasa da, 101 dıspecherlerin nomerin terýge úlgeripti. Onyń aıtýynsha, benzobak janarmaıǵa, jáne GBQ toly bolǵan, órt búkil kólikti sharpyǵan jaǵdaıda, oqıǵanyń sońy qaıǵyly aıaqtalýy da múmkin edi.
Eger jolda júrip turǵan avtokólikte órt paıda bolsa
Dereý jol qozǵalysyn toqtatyńyz;
Otaldyratyn qurylǵylardy óshirińiz, tipti kiltti qulyptan alyp tastyńyz ;
«Neitral» qosyńyz, turaq tejegishin qysyńyz;
Jolaýshylarmen birge salonnan shyǵyńyz;
101 nómirine qońyraý shalyńyz;
eger qalyń tútin bolsa, kapotty ashpańyz;
órt sóndirgishti kapot pen radıator tordyń arasyndaǵy sańylaýǵa baǵyttap óshirińiz;
eger ot oqshaýlansa, kapotty ashyp, qyzyl jalyndy tolyǵymen sóndirińiz;
klemmalaryn ajyratyńyz .
Bastapqyda sapaly GBO jáne durys ornatýshyny tańdańyz.