12 mamyrda Abý-Dabı taq murageri sheıh Haled ben Muhammed ben Zaıd Ál Nahaıannyń resmı sapary aıasynda «Astana» HQO-da «Qazaqstan – BAÁ» bıznes-forýmy ótti.
Forýmda sıfrlyq tehnologıalar, qarjy, ýrbanıstıka jáne «jasyl» ekonomıka taqyryptary talqylandy. Kazatomprom, QazaqGaz, ERG, Presight AI Kazakhstan jáne BAÁ-niń Masdar, AMEA Power sıaqty jetekshi kompanıalary óz jobalaryn tanystyrdy.
Saýda jáne ıntegrasıa mınıstri Arman Shaqqalıev Qazaqstan men BAÁ arasyndaǵy taýar aınalymyn 1 mlrd dollarǵa deıin jetkizý – naqty maqsaty turǵanyn atap ótti. Onyń aıtýynsha, eksportty ártaraptandyrý jáne yntymaqtastyqty keńeıtý – bizdiń basty baǵdarymyz. Qazaqstannyń agroónerkásip, metalýrgıa, hımıa, mashına jasaý, IT jáne basqa da salalarda aıtarlyqtaı eksporttyq áleýeti bar
Forým eki el arasyndaǵy saýda-ekonomıkalyq yntymaqtastyqty odan ári nyǵaıtýǵa baǵyttaldy.