Premer-mınıstr Oljas Bektenov 2025 jylǵy 25 sáýirdegi № 68 qandas mártebesin berý tetigin ózgertý boıynsha usynystar ázirleý úshin jumys tobyn qurý týraly ókimge qol qoıdy, dep habarlaıdy aqshamnews.kz
Qandas mártebesin berý tetigine zańnamalyq túzetýler engizý jóninde usynystar ázirleý úshin jumys tobynyń quramy bekitildi.
- Osy ókimge qosymshaǵa sáıkes quramda qandas mártebesin berý tetigine zańnamalyq túzetýler engizý jónindegi usynystar ázirleý úshin jumys toby qurylsyn. Jumys toby 2025 jylǵy 30 mamyrǵa deıin merzimge qandas mártebesin berý tártibin qaıta qaraý boıynsha zańnamalyq túzetýler ázirlesin jáne olardy Qazaqstan Respýblıkasynyń Úkimeti apparatyna engizsin, - delingen mátinde.
Onyń oryndalýyn baqylaý jáne jetekshilik etý Premer-mınıstrdiń orynbasary Ermek Kósherbaevqa júkteldi.
Qandas mártebesin berý tetigine zańnamalyq túzetýler engizý jónindegi usynystar ázirleıtin jumys tobynyń quramy:
QR Premer-mınıstriniń orynbasary, basshysy;
QR Eńbek jáne halyqty áleýmettik qorǵaý vıse-mınıstri, basshynyń orynbasary;
QR Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy, hatshy;
QR Ulttyq qaýipsizdik komıteti tóraǵasynyń orynbasary (kelisim boıynsha);
QR Ádilet vıse-mınıstri;
QR Ǵylym jáne joǵary bilim vıse-mınıstri;
QR Densaýlyq saqtaý vıse-mınıstri;
QR Mádenıet jáne aqparat vıse-mınıstri;
QR Bilim vıse-mınıstri;
QR Syrtqy ister mınıstriniń orynbasary;
QR Ulttyq ekonomıka vıse-mınıstri;
QR sıfrlyq damý, ınovasıalar jáne aeroǵarysh ónerkásibi vıse-mınıstri;
QR İshki ister mınıstriniń orynbasary;
QR Úkimeti Apparatynyń Áleýmettik damý bóliminiń meńgerýshisi;
oblystar, respýblıkalyq mańyzy bar qalalar, astana ákimderiniń orynbasarlary.
Jumys tobyna 2025 jylǵy 30 mamyrǵa deıingi merzimde qandas mártebesin berý tártibin qaıta qaraý boıynsha zańnamalyq túzetýler ázirlep, olardy QR Úkimetiniń Apparatyna engizý tapsyryldy.
A N Y Q T A M A:
Qandas – buryn Qazaqstan Respýblıkasynyń azamattyǵynda bolmaǵan, tarıhı otanyna kelgen jáne tıisti mártebe alǵan etnıkalyq qazaq jáne onyń ulty qazaq otbasy músheleri.
Bıyl 3,2 myńnan asa etnıkalyq qazaq qandas mártebesin aldy. Eńbek jáne halyqty áleýmettik qorǵaý mınıstriniń buıryǵymen qandastar men qonys aýdarýshylardy qabyldaýdyń 2025 jylǵa arnalǵan óńirlik kvotasy 9653 adam dep belgilendi.