Reseı Federasıasyna jumys sapary aıasynda Qazaqstan Respýblıkasy Syrtqy ister mınıstrligi Amerıka departamentiniń dırektory Rýslan Ýrazalın Domınıkan Respýblıkasy, Nıkaragýa, Ýrýgvaı, Argentına, Kolýmbıa, Perý, Chılı, Gvatemala jáne Salvador elderiniń elshilerimen kezdesýler ótkizdi, dep habarlaıdy Almaty-akshamy.kz Kólik mınıstrligine silteme jasap.
Júrgizilgen kezdesý barysynda taraptar ekijaqty kún tártibiniń ózekti máselelerin, sonyń ishinde ózara saparlardy uıymdastyrý, saıası konsýltasıalar ótkizý, sharttyq-quqyqtyq bazany keńeıtý, kópjaqty qurylymdar sheńberinde qoldaýmen almasý jáne óńir elderimen vızalyq rejımdi jeńildetý máselelerin talqylady.
Sondaı-aq, Qazaqstannyń Latyn Amerıkasy jáne Karıb baseıni elderimen yntymaqtastyq aıasyn keńeıtý maqsatynda turaqty baılanystardy odan ári qoldaý týraly ýaǵdalastyqqa qol jetkizildi.