İİM Almaty akademıasynyń jas kýrsanttary sıntetıkalyq esirtki satatyn saıttardyń graffıtı jarnamalaryn anyqtaýǵa jáne joıýǵa baǵyttalǵan “Biz esirtkige qarsymyz” aksıasy aıasynda esirtki jarnamalaryn anyqtaý jáne boıaý prosesine qatysty.
İs-shara Almatynyń Almaly aýdanynda jergilikti polısıa qyzmetiniń qyzmetkerlerimen birlesip ótkizildi, dep habarlaıdy Almaty-akshamy.kz Polisia.kz-ke silteme jasap.
Shara barysynda kýrsanttar ádette ǵımarattardyń, kópqabatty úılerdiń qabyrǵalarynda, kireberisterde jáne basqa da ońaı qol jetimdi jerlerde kezdesetin zańsyz trafarettik jarnamalardy anyqtap, olardy joıý arqyly esirtki bıznesi men esirtkiniń taralýyna qarsy ózderiniń qarsy ustanymdary men bul dertpen kúresý qajettiligin bildirdi.
– Jastar esirtkini taratý úderisterine qatysý – ıaǵnı olardy jarnamalaý, berý, tapsyrý, graffıtı-jarnamalardy boıaý sıaqty áreketter de zańmen jazalanatyn qylmystyq áreket ekenin tolyq túsinbeıdi, – dep atap ótti İİM Almaty akademıasynyń esirtki qylmysyna qarsy is-qımyl jónindegi mamandardy daıarlaý jónindegi vedomstvoaralyq ortalyǵynyń bastyǵy Kamıl Ýshýrov.
Ókinishke oraı Qazaqstan esirtkini tutyný boıynsha 8- orynda. Bul statısıka shuǵyl áreket etýge jáne naqty sharalar qabyldaýǵa túrtki bolýy tıis. Osylaısha, birneshe saǵattyń ishinde esirtkini nasıhattaıtyn 100-ge jýyq jarnama joıyldy. İİM Almaty akademıasy barlyq beı-jaı qaramaıtyn azamattardy esirtki jarnamalaryn boıaýǵa jáne Qazaqstannyń jastary men jarqyn bolashaǵy úshin esirtki jáne psıhotroptyq zattardyń zańsyz aınalymyna qarsy is-qımyl sharalaryn qoldaýǵa shaqyrady.