Byltyr 117 mıllıon tonnadan astam qatty otyn óndirilse, onyń 33 mıllıonǵa jýyq tonnasy eksporttaldy, dep habarlaıdy Almaty-akshamy.kz «Habar 24»-ke silteme jasap.
Otandyq sarapshylar, Eýropalyq Odaqtaǵy elderge kómir jetkizý boıynsha biraz máseleniń áli de sheshilmeı jatqanyn aıtady. Kórshi elge salynǵan shekteýlerden keıin qart Kaspıı arqyly baılanys kúsheıgen. Degenmen logıstıka jaǵy úlken shyǵyn deıdi. Aıta keteıik, Ekibastuzda 3 jańa energobloktyń qurylysy bastalǵan. 2028 jyldan bastap Kókshetaý men Semeı qalalarynda jylý elektr ortalyǵy iske qosylmaq. Jalpy bizdegi kómir qorynyń kólemi – 34 mıllıard tonna. Bul – 300 jylǵa jetetin qor.
- Geosaıası jaǵdaıǵa baılanysty kómirge suranys kóbeıdi. Shveısarıa men Germanıa deımiz, Eýropalyq Odaqtyń ózi bizden kómir alady. Baǵasy óte joǵary. Tarıf máselesi. Biz kómirdi jergilikti halyqqa arzan baǵamen satamyz. Biraq jyl saıyn qymbattap barady. Elektr energıa. Dıstoper deımiz, 2 ese, 3 ese qymbattaıdy,-deıdi Respýblıkalyq taý-ken óndirýshiler qaýymdastyǵy atqarýshy dırektorynyń birinshi orynbasary Tólegen Muqanov.