«Juldyzaı» balalar shyǵarmashylyǵynyń 18-shi festıvali aıaqtaldy, dep habarlaıdy Almaty-akshamy.kz.
«Habar 24» málimeti boıynsha búgin Astanada gala-konsert ótip, gran-prı ıegeri anyqtaldy. «Juldyzaı» – erekshe balalarǵa arnalǵan festıvál. Jyl saıyn ótip turady. Bıylǵy baıqaý naýryzda bastalǵan. Sóıtip, irikteýden respýblıkalyq kezeńge 550 ótinish qabyldandy. Balalar festıvali 4 atalym boıynsha ótti. Bul – vokal, horeografıa, aspapta oınaý jáne ándi ym-ısharatpen oryndaý. Mine, osy respýblıkalyq synnan súrinbeı ótip, birinshi, ekinshi jáne úshinshi oryn alǵan 200 laýreat balalardy qorǵaý kúninde Astanadaǵy gala-konsertke arnaıy shaqyryldy. «Habar» arnasynan 1,5 saǵat boıy tikeleı efırde kórsetilgen baıqaý sońynda halyqtyń daýys berýimen gran-prı ıegeri anyqtaldy.
- Jigerlenip, sahnaǵa shyǵyp, úlken estrada ánshilerimen birdeı para-par ánin aıtyp shyqty. Bárińiz kýá boldyńyzdar. Jańa aıtyp jatyr, bizdiń jeńimpaz – Atyraý oblysynyń Aqerke degen qyzy. Dombyramen súıemeldegen ándi aıtty. Daýysy keremet. Ol qyz «Búgin óz-ózime degen senim paıda boldy, endi men Qazaqstan daýysyna qatysamyn» dep jatyr. Bul biz úshin – úlken jetistik. Bizdiń maqsatymyz – sol. Balalardyń juldyzyn jaǵý, dedi «Juldyzaı» qaıyrymdylyq qorynyń aqparat menedjeri Ásemgúl Myrzambet.