Oıyn barysynda Qazaqstan quramasy jınaqy qımyl kórsetti
Kógaldaǵy hokeıden Qazaqstan áıelder quramasy Azıa oıyndaryna irikteý satysynda úshinshi márte jeńiske jetti, dep habarlaıdy Almaty-akshamy.kz QazAqparatqa silteme jasap.
Bul joly qazaqstandyq hokeıshiler Kambodjamen sheberlik baıqasty. Oıyn barysynda Qazaqstan quramasy jınaqy qımyl kórsetti. Nátıjesinde birinshi kezeńde qarsylasyn 4:0 esebimen súrindirdi.
Ekinshi kezeńde de oıyn qarqyny báseńdegen joq. Qazaqstandyq hokeıshiler basymdyǵyn arttyra tústi. Kezdesý qazaqstandyqtardyń basymdyǵymen 9:0 esebimen aıaqtaldy.
Eske salsaq, budan buryn Indonezıany 1:0, Ózbekstandy 2:0 esebimen jeńgen bolatyn.
El quramasy irikteý kezeńinde Ózbekstan, Indonezıa, Gonkong, Shrı-Lanka, Kambodja jáne Sıngapýrmen sheberlik baıqasady.
Elimizdiń áıelder quramasy Azıa oıyndary fınaldyq satysynda tórt márte qatysty.
1998, 2014 jyldarda 6-oryn alsa, 2010 jyly - 7, 2018 jyly 10-oryndy mise tutty.