Almaty qalasynda Qazaqstan kásipqoı boks federasıasynyń (QKBF) 8-shi esep berý-saılaý konferensıasy ótti.
İs-shara barysynda Raqymjan Erdenbekov Qazaqstan kásipqoı boks federasıasynyń prezıdenti bolyp saılandy, buǵan deıin federasıany basqarǵan Vıktor Demánenko endi prezıdenttiń keńesshisi qyzmetin atqaratyn bolyp sheshildi. Sondaı-aq, Qazaqstan kásipqoı boks federasıasynyń vıse-prezıdenti qyzmetine Sýren Tonoıan men Danıar Jylqybaev saılandy.
Qazaqstan kásipqoı boks federasıa komısıasynyń quramy da ózgerdi. Atqarý komıtetiniń múshesi Sultan Sátbaev sot komısıasynyń tóraǵasy boldy. Zań komısıasynyń jáne atqarý komıtetiniń múshesi bolyp Baqytbek Begalıev saılandy.
Sondaı-aq, esep berý-saılaý konferensıasynda bıyl tolyqtaı iske qosylatyn Green Belt WBC Amateur Kazakhstan serpindi jobasynyń jetistigi erekshe atalyp ótti. Sonymen qatar 2020-2023 jyldar aralyǵyndaǵy atqarylǵan jumystar týraly esep jarıalanyp, aldaǵy úsh jylǵa federasıanyń strategıalyq damytý josparlary talqylandy.