Jetisý oblysy Tótenshe jaǵdaılar departamentiniń málimetinshe, seısmıkalyq stansalar jelisi saǵat 22:08-de jer silkinisin tirkegen.
«Jer silkinisiniń oshaǵy Almaty qalasynan soltústik-shyǵysqa qaraı 230 shaqyrym jerde Jetisý óńirinde Tekeli qalasynan 20 shaqyrym jerdegi taýly aımaqta ornalasqan. Jer silkinisiniń energetıkalyq klasy – 9,7. Magnıtýdasy – MPV 4.6. Tereńdigi – 15 km. Qabyldaý týraly aqparat (MSK-64 shkalasy boıynsha): Tekeli qalasynda 3 bal», - dep habarlady oblystyq TJD baspasóz qyzmeti.
Oblystyq Tótenshe jaǵdaılar departamenti jergilikti atqarýshy organdardy, Polısıa departamentin, prokýratýrany jáne basqa da uıymdardy habardar etti. Aımaqtardaǵy jaǵdaı naqtylanyp jatyr. Qıraý men qurbandar týraly aqparat túsken joq.