Qazaqstan jýyrda zamanaýı «Tor-M2K» zenıttik-zymyran keshenderin satyp almaqshy
Búginde áýe shabýylyna qarsy qorǵanys quraldary basty nazarda. 2019-2020 jyldary Qazaqstan áskeriniń qarýlanýyna Reseıdiń «Býk» zenıttik-zymyran keshenderi, Belorýssıanyń «Rosa» radıolokasıalyq stansıalary, sondaı-aq elimizdiń áýe shepterin qorǵaýynda turǵan otandyq «Nur» RLS jetkizildi.
Jýyrda zamanaýı «Tor-M2K» zenıttik-zymyran keshenderin jetkizý josparlanýda. «Tor-M2K» kez-kelgen úlgidegi ushaqtar men tikushaqtardy, sonyń ishinde «kórinbeıtin» tehnologıamen jasalǵan tikushaqtardy ǵana emes, sonymen qatar ushqyshsyz ushý apparattaryn, joǵary dáldiktegi qarýdy, sonyń ishinde radıolokasıaǵa qarsy jáne qanatty zymyrandardy, basqarylatyn avıasıalyq bombalardy anyqtap, joıýǵa qabiletti.
Qazirgi ýaqytta ýákiletti organ (Indýstrıa jáne ınfraqurylymdyq damý mınıstrligi) jetkizýshimen sharttar jasasýda. Qorǵanys mınıstrligi atalǵan keshendi ázirlegen zaýytta otandyq ÁSHQQ áskerleriniń mamandaryn oqytýdy josparlap otyr.