Sońǵy kúnderi elimizdegi epıdahýaldyń nasharlap, jańa shtamnyń taraýyna baılanysty qosymsha daıyndyq jumystary júrgizilip jatyr.
Úkimet otyrysynda Premer-Mınıstr Asqar Mamın ákimderge vaksınalaý qarqynyn arttyrýdy tapsyrdy, dep habarlaıdy Almaty-akshamy.kz.
«Sanıtarlyq-epıdemıologályq ahýal ózgerip barady. Óńirlerde vırýsty juqtyrǵan adamdardyń sany ósýde. Aýrýhanalardaǵy oryndardyń júktemeligi 27 paıyz, al jansaqtaý bóliminde 24 paıyzdy qurap otyr. Elordadan basqa «qyzyl» aımaqqa taǵy tórt óńir kirdi. «Sary» men «jasyl» aımaqta alty óńirden bar. «Qyzyl» aımaqtardaǵy barlyq óńirde shekteý sharalary qoldanylyp, monıtorıń toptarynyń jumysy kúsheıtilýi tıis», - dedi Úkimet basshysy.
Asqar Mamın osy jaıttyń bárin eskerip, rezervtegi ınfeksıalyq oryndardyń daıyndyǵyn pysyqtap, dári-dármek pen medısınalyq buıymdardyń jetkilikti bolýyn qamtamasyz etýdi tapsyrdy
«Búgingi kúni vaksınanyń İ komponentin 3,3 mıllıonǵa jýyq adam saldyrdy. Shamamen 2 mıllıon adam İİ komponentti ektirdi. Biraq bul jetkiliksiz. Ákimder vaksına salý qarqynyn kúsheıtý kerek. Bul, ásirese, Mańǵystaý, Atyraý jáne Batys Qazaqstan oblystaryna qatysty. Qyzmet kórsetý, bilim berý salasynda mindetti vaksınalaý qajettigi aıqyn baıqalyp otyr», - dedi Premer-Mınıstr.