Ulttyq ekonomıka mınıstrliginde tarıftik saıasat jónindegi keńestiń otyrysy ótti
Ulttyq ekonomıka mınıstri Áset Erǵalıevtiń tóraǵalyǵymen QR Parlamenti Senaty men Májilisi depýtattarynyń, ortalyq memlekettik organdar ókilderiniń, oblys ákimderiniń orynbasarlarynyń, Tabıǵı monopolıalardy retteý komıteti basshylyǵynyń, sondaı-aq úkimettik emes uıymdardyń qatysýymen tarıftik saıasat jónindegi keńestiń kezekti otyrysy ótti, dep habarlady Almaty-akshamy.kz QR Ekonomıka mınıstrliginiń saıtynda jarıalanǵan habarǵa silteme jasap.
«Aǵymdaǵy ekonomıkalyq jaǵdaıdy eskere otyryp, Úkimet komýnaldyq qyzmetter tarıfteriniń negizsiz ósýine jol bermeý boıynsha sharalar qabyldaýda. Sondaı-aq tutynýshylar men tabıǵı monopolıalar sýbektileri arasyndaǵy múddeler teńgerimin qoldaý boıynsha jumystar júrgizilýde», - dedi Áset Erǵalıev.
Tabıǵı monopolıalardy retteý komıtetiniń 2020 jylǵy qyzmetiniń qorytyndylary jáne aǵymdaǵy jylǵa arnalǵan mindetter týraly vedomstvo tóraǵasy Asan Darbaev aıtty.
Memleket basshysynyń tarıftik saıasatqa qatysty tapsyrmalaryn oryndaý sheńberinde TMS qyzmetine baqylaý kúsheıtildi, TMS satyp alýyna taldaý júrgizildi, tarıf belgileýdiń jáne halyqpen keri baılanystyń ashyqtyǵy qamtamasyz etildi, TKSH komýnaldyq qyzmetterine negizdelgen tarıfter qamtamasyz etildi.
«2021 jyly komýnaldyq qyzmetterge tarıfterdiń negizsiz ósýine jol bermeý jáne Qazaqstan Respýblıkasy Úkimetiniń janyndaǵy Ekonomıkalyq saıasat jónindegi keńes bekitken retteletin tabıǵı monopolıalar sýbektilerdiń qyzmetter tarıfterinen ınflásıaǵa salym dálizin saqtaý boıynsha jumysty jalǵastyrý josparlanýda», - dedi Asan Darbaev.
Budan basqa, 17 óńirlik komısıanyń quramy keńeıtildi, tarıf belgileý máselelerin qaraýǵa kóp adamdardy tartý maqsatynda qoǵamdyq birlestikterdiń ókilderi qosyldy. Búginde óńirlik komısıalardyń quramyna oblystyq máslıhattyń depýtattary, jergilikti atqarýshy organdardyń ókilderi, «Atameken» QR UKP, ÚEU, jeke kásipkerlik sýbektileri birlestikteriniń, tabıǵı monopolıalar sýbektileriniń ókilderi jáne sarapshylar kiredi.
Keńes otyrysynyń qorytyndysy boıynsha Áset Erǵalıev tarıfterdiń negizsiz ósýine jol bermeý, monopolıserdiń qarajatty maqsatty paıdalanýyna baqylaýdy qamtamasyz etý, tutynýshylardyń quqyqtaryn qorǵaý jáne Komıtet aldyna qoıylǵan mindetterdi sapaly oryndaý boıynsha tapsyrmalar berdi.