«Jastar» ǵylymı-zertteý ortalyǵynda «Qazaqstan jastary – 2025» ulttyq baıandamasynyń qurylymy talqylandy.
İs-sharaǵa memlekettik organdar, saıası partıalar, ǵylymı jáne úkimettik emes uıymdar men jastar birlestikteriniń ókilderi qatysty, dep habarlaıdy aqshamnews.kz.
Kezdesý barysynda baıandama qurylymynyń jańa jobasy tanystyryldy. Usynylǵan ózgertýler men túzetýler zertteýdi kúsheıtip, jastar jobalarynyń ǵylymı-taldamalyq jumysyn arttyrýǵa baǵyttalǵan.
Otyrys barysynda qatysýshylar kóshi-qon máselelerine, jastardyń áleýmettik-ekonomıkalyq qaýipsizdigine jáne NEET sanatyndaǵy jastardyń qajettilikterin zertteýge nazar aýdardy.
Eske sala keteıik, «Qazaqstan jastary» ulttyq baıandamasyn «Jastar» ǵylymı-zertteý ortalyǵy 2013 jyldan bastap jyl saıyn daıyndaıdy. Osy ýaqyt aralyǵynda baıandamanyń 12 shyǵarylymy jaryq kórdi. Bul ortalyq – Qazaqstan jastarynyń áleýmettik jaǵdaıy men hal-ahýalyn júıeli túrde zertteıtin birden bir ınstıtýt.