Jahandyq jasyl ósý ınstıtýty 2012 jyly qurylǵan
Qazaqstan jahandyq jasyl damý ınstıtýtynyń 45-múshesi, dep habarlaıdy Almaty-akshamy.kz «Habar 24» telearnasyna silteme jasap.
Respýblıkanyń bul uıymǵa qosylýy týraly qujatty búgin ınstıtýt prezıdenti Pan Gı Mýnǵa bizdiń eldiń Seýldegi elshisi Baqyt Dúısenbaev tabys etti. Jahandyq jasyl ósý ınstıtýty 2012 jyly qurylǵan. Bul halyqaralyq úkimetaralyq uıymnyń shtab-páteri Seýlde ornalasqan. Jasyl jobalardy júzege asyrý úshin qarjy resýrstaryn tartady. 4 jyldan beri ınstıtýtty Birikken Ulttar Uıymynyń burynǵy Bas hatshysy Pan Gı Mýn basqarady. Qazaqstannyń bul uıymǵa qosylýyn qarastyratyn zańǵa prezıdent Qasym-Jomart Toqaev bir aı buryn qol qoıǵan bolatyn.
«Qazaqstanmen birge jumys isteý biz úshin úlken mártebe. Bul yntymaqtastyǵymyzdy odan ári nyǵaıtý úshin tamasha múmkindik. Óıtkeni Qazaqstan BUU-nyń bedeldi músheleriniń biri. Buǵan deıin Qasym-Jomart Toqaevpen BUU-da, al endi Qazaqstan Respýblıkasynyń Prezıdenti retinde jumys isteý men úshin úlken mártebe», - dedi jahandyq jasyl ósý ınstıtýtynyń prezıdenti Pan Gı Mýn.