Alaıaqtar tegin ornatýǵa bolatyn ártúrli mobıldi qosymshalardyń kómegimen IPO-da «aqsha tabýdy» usynady
Ótkizilip jatqan IPO sheńberinde «QazMunaıGaz» AQ aksıalaryna tıimdi aqsha salý syltaýymen alaıaqtar Play Market-tiń resmı dúkeninde kúmándi qosymshalardy belsendi túrde jarnamalaýda. App Store-da ázirge mundaı servıster paıda bola qoıǵan joq, dep habarlaıdy Almaty-akshamy.kz.
Fingramota.kz muqıat bolý qajettiligin, basqa paıdalanýshylardyń pikirlerin muqıat oqyp shyǵý kerektigin jáne júkteýge usynylǵan mobıldi qosymshalardyń shyǵarylǵan kúni men reıtıńin qaraý kerektigin eske salady.
Alaıaqtar tegin ornatýǵa bolatyn ártúrli mobıldi qosymshalardyń kómegimen IPO-da «aqsha tabýdy» usynady.
Ańqaý azamattardy kóbirek tartý úshin olar «QazMunaıGaz» AQ-tyń ataýy men logotıpin paıdalanady, al qosymshalarǵa sıpattamada az ǵana kúsh salyp joǵary, ári kepildi tabys alýǵa ýáde etedi. Bul qosymshalar úkimettiń qoldaýymen ázirlendi-mys dep sendiredi.
Alaıaqtar IPO sheńberinde baǵaly qaǵazdarǵa ınvestısıa salý jeńil jáne ár ınvestısıa úlken paıda ákeledi dep sendiredi. Dálel retinde olar jalǵan pikirlerdi ornalastyrady. Myna derekterge: qosymshanyń shyǵarylǵan kúnine, ol qanshalyqty jıi jańartylatynyna, ázirleýshisi kim ekendigine, pikirlerdiń sany men jarıalanǵan kúni jáne paıdalanýshylardyń aty-jónderine nazar aýdaryńyz. Qosymsha sizdiń derekterińizdi qalaısha jáne qandaı jolmen jınaıtyny, óńdeıtini jáne ázirleýshige beretini týraly aqparat mańyzdy bolyp tabylady.