2025 jyldyń 19-20 aqpanynda Almaty qalasynda IýNESKO qaýymdastyqtary men klýbtarynyń Birinshi Jahandyq Jastar Forýmy (GYF) ótedi. Bul mańyzdy halyqaralyq is-shara álemniń 60-qa jýyq elinen 150-den astam qatysýshyny biriktiredi. Forýmda jastardyń múmkindikterin keńeıtý, sıfrlyq tehnologıalardy qoldaný, turaqty damý jáne ınklúzıvti bilim berý máseleleri talqylanady, dep habarlaıdy Aqshamnews.kz
Forýmdy uıymdastyrýshylar men seriktester
Forýmdy IýNESKO jáne Dúnıejúzilik IýNESKO klýbtary men qaýymdastyqtarynyń Federasıasy (WFUCA) uıymdastyrady. Qazaqstan tarapynan bul bastamany Qazaqstandyq Ulttyq IýNESKO klýbtarynyń Federasıasy, Qazaqstan jáne Fransıa IýNESKO isteri jónindegi Ulttyq komısıalary, QR Syrtqy ister mınıstrligi, QR Mádenıet jáne aqparat mınıstrligi jáne Almaty qalasy ákimdigi qoldaıdy.
Buǵan qosa, forýmnyń seriktesteri qatarynda Karachaganak Petroleum Operating B.V., Bank SentrKredıt, «Qazaqstan» qonaqúıi, Doscar kompanıalar toby jáne «Shymbulaq» taý-shańǵy kýrorty bar.
Forýmda qandaı taqyryptar qozǵalady?
Eki kúndik forým barysynda ártúrli salanyń ókilderi, sonyń ishinde IýNESKO sarapshylary, úkimet músheleri, akademıalyq orta men bıznes ókilderi kelesi ózekti máselelerdi talqylaıdy:
Jastardyń quqyqtary men múmkindikterin keńeıtý;
Jasandy ıntellektti paıdalaný etıkasy;
Sıfrlyq tehnologıalar jáne olardyń qoǵamdaǵy róli;
Turaqty týrızm men klımattyń ózgerýine beıimdelý;
Inklúzıvti bilim jáne kórkem bilimniń mańyzy.
Forýmnyń basty qonaqtary
Forýmǵa IýNESKO-nyń izgi nıet elshisi H. Abbın, jasandy ıntellekt salasyndaǵy álemdik jetekshi maman profesor D-r V. Holms, sondaı-aq Dúnıejúzilik IýNESKO klýbtary men qaýymdastyqtarynyń Federasıasynyń Atqarýshy keńesiniń músheleri qatysady. Bul shara Qazaqstandy jahandyq jastar qozǵalysynyń mańyzdy alańyna aınaldyrýǵa yqpal etedi.
Forým nátıjesi qandaı bolmaq?
Forýmnyń basty qorytyndysy – «2025-2030 jyldarǵa arnalǵan IýNESKO qaýymdastyqtary men klýbtary jastarynyń jol kartasyn» qabyldaý. Bul qujat 94 eldegi 5 000-nan astam uıymdy qamtıtyn qozǵalystyń damý strategıasyn anyqtap, jastarǵa jańa múmkindikter ashady jáne IýNESKO klýbtarynyń halyqaralyq jelisin nyǵaıtady.
Birinshi Jahandyq Jastar Forýmy – Qazaqstandy IýNESKO-nyń halyqaralyq yntymaqtastyq ortalyǵy retinde tanytýǵa múmkindik beretin mańyzdy qadam. Almatyda ótetin bul forým jastar úshin jańa bastamalar men jobalardy iske asyrýǵa, bilim men ınovasıany damytýǵa jol ashady.
Qosymsha aqparat pen BAQ akredıtasıasy boıynsha:
Aısana Mıram, +7 700 394 32 92 (WhatsApp qoljetimdi).