Chempıon atanǵandardyń qatarynda bıatlonshy Vladıslav Kıreev, sondaı-aq erler arasyndaǵy hokeı, short-trek jáne frıstaıl-akrobatıka komandalary bar.
Aıta keteıik, frıstaılshylar Azıa oıyndarynyń tarıhynda tuńǵysh ret jeńis tuǵyrynyń eń bıik satysyna kóterildi. Altyn júlde úshin tartysta olar Qytaıdyń álemdik deńgeıdegi sportshylaryn basyp ozdy.
Short-trekshiler de tarıhı jetistikke qol jetkizdi. Buǵan deıin Qazaqstan bul sport túrinen eshqashan Azıa oıyndarynyń altynyn almaǵan. Al erler hokeı quramasy bul jarysta besinshi ret chempıon atanyp otyr.
Harbınde kúmis júldeni Evgenıı Koshkın (kónkımen júgirý sporty), short-trekten áıelder jáne aralas komandalar, hokeıden Qazaqstan áıelder quramasy, shańǵyshy Konstantın Borsov, shańǵy jarysynan áıelder quramasy, bıatlonshy Vadım Kýrales, bıatlonnan erler quramasy jáne aralas komandalar arasyndaǵy frıstaılshylar ıelendi.
Qazaqstan quramasy Azıa oıyndaryn jeti qola júldemen aıaqtady. Olardyń ıegerleri: shańǵyshy Oljas Klımın, kónkımen júgirý sportynan komandalyq sprıntte, mánerlep syrǵanaýshy Mıhaıl Shaıdorov, shańǵy jarysy boıynsha erler quramasy, frıstaıl-akrobatıkadan Aıana Joldas, sınhrondy sekirýden áıelder komandasy jáne bıatlon estafetasyndaǵy áıelder quramasy.