Memleket basshysy Bonifiche Ferraresi kompanıasynyń Bas atqarýshy dırektory Federıko Vekkonıdi qabyldady
Qasym-Jomart Toqaev pen Federıko Vekkonı Qazaqstannyń agrarlyq sektoryndaǵy ınvestısıalyq jobalardy iske asyrý perspektıvalaryn talqylady, dep habarlaıdy almaty-akshamy.kz
Qasym-Jomart Toqaev elimiz bıdaı ósirý boıynsha kóshbasshy elderdiń qataryna kiretinin atap ótti. Onyń aıtýynsha, Qazaqstan Italıaǵa negizgi bıdaı jetkizýshi memleketterdiń biri, sondaı-aq el ishinde astyq óńdeý úlesin arttyrýdy josparlap otyr.
Óz kezeginde Federıko Vekkonı kompanıanyń Qazaqstanda ıtalıalyq tehnologıalardy paıdalana otyryp, dándi daqyldardy ósirý jáne ónimdi odan ári tereń óńdeý jónindegi jobalardy iske asyrýǵa, sondaı-aq mamandar daıarlaýǵa jáne tehnologıa transfertine qatysty jospary týraly aıtty.
Memleket basshysy Úkimettiń kompanıaǵa jan-jaqty kómek kórsetýge daıyn ekenin jetkizdi.
Sonymen qatar ıtalıalyq kompanıa ıntensıvti baý-baqsha sharýashylyǵyn jáne tuqym sharýashylyǵyn damytý jónindegi birlesken jobalardy iske asyrý múmkindigin qarastyrýdy usyndy.