Memleket basshysy NEOS áýe kompanıasynyń prezıdenti Lýpo Rattassıdi qabyldady
Kezdesý barysynda azamattyq avıasıa salasyndaǵy yntymaqtastyqtyń perspektıvalary talqylandy, dep habarlaıdy almaty-akshamy.kz
Qasym-Jomart Toqaevtyń pikirinshe, eki el arasyndaǵy tikeleı áýe qatynastary saýda-ekonomıkalyq, mádenı-gýmanıtarlyq baılanystar men týrızmniń damýyna tyń serpin beredi. Prezıdent Almaty – Mılan áýe reısine suranystyń joǵary ekenin atap etti. Bul reıs ashylǵaly beri 70 myńǵa jýyq jolaýshy tasymaldanǵan.
Óz kezeginde Lýpo Rattassı aımaqtaǵy áýe baǵyttarynyń aýqymyn keńeıtý jónindegi josparyn tanystyrdy. Atap aıtqanda, Almaty – Mılan baǵytyndaǵy reıs sanyn kóbeıtý, Astana jáne Rım, sondaı-aq Astana jáne Mılan arasynda áýe qatynastaryn ashý josparlanyp otyr.
Prezıdent NEOS áýe kompanıasymen yntymaqtastyq Qazaqstandaǵy azamattyq avıasıa men kólik-logıstıka salalaryn damytýǵa oń yqpal etetinine senim bildirdi.
NEOS kompanıasy 2001 jyly qurylǵan. Onyń negizin ıtalıalyq Alpitour S.p.A. jáne germanıalyq TUI Group týrısik kompanıalary birge qalady. Ol Italıanyń eń iri jeke avıakompanıalarynyń biri retinde 70-ten astam baǵytqa tasymal jasaıdy. 2022 jyly kompanıanyń tabysy 640 mıllıon AQSH dollaryn qurady.