Almaty ákimimen kezdesýde qala turǵyndary aıtqan máseleler qalaı sheshilip jatyr
Almaty ákimi Erbolat Dosaevtyń Túrksib aýdany turǵyndarymen kezdesýinen keıin ákimdiktiń baspasóz qyzmeti aldyńǵy kezdesý barysynda berilgen tapsyrmalardyń qalaı oryndalyp jatqanyn habarlady.
Aýdan turǵyndary qoǵamdyq kóliktiń eski ekenine shaǵymdandy. 2023 jyldyń qorytyndysy boıynsha №8, 13, 17, 38, 46, 47, 69 marshrýttaǵy avtobýstar jańartyldy. Barlyǵy 130 avtobýs. Mysaly, №17 marshrýttaǵy ISUZU markaly 8 metrlik avtobýstar 2023 jylǵy ZhongTong markaly 10 metrlik avtobýstarǵa aýystyryldy.
Sonymen qatar, turǵyndar belgili bir aýmaqtardaǵy joldardy jóndeý máselesin kóterdi. Ótken jyly Rysqulov dańǵylynan Almaty-1 temirjol vokzalyna deıingi Seıfýllın dańǵylynda polımerli qospalardy qoldana otyryp, uzyndyǵy 5,4 shaqyrym jol jabynyna ortasha jóndeý júrgizildi. «Vision Zero» baǵdarlamasy aıasynda trotýarlar ishinara jóndelip, aryq naýalary aýystyrylyp, qaýipsizdik araldary ornatyldy. Ári Aral jáne Baıron kósheleriniń aýmaǵyna asfáltbeton jabyny tóseldi.
«Qaırat» shaǵyn aýdanynda keıbir turǵyn úıler men mektepke baratyn joldarda shaǵym bar. Jóndeý aıasynda uzyndyǵy 3 km ýchaskede asfáltbeton jabyny tóselip, jaıaý júrginshiler trotýarlary jabdyqtaldy.
Buǵan qosa, qala ákiminiń tapsyrmasymen aýdandaǵy Rysqulov dańǵyly, Súıinbaı, Maılın, Sholohov, Aqan seri syndy 5 magıstraldyq kóshe boıynda uzyndyǵy 23 km tehnıkalyq trotýarlar jasaldy.