Qazaqstandyq mýzyka Instagram-da qoljetimsiz bolyp qalýynyń sebebi — Meta (Instagram, Facebook, WhatsApp ıesi) men «QazAQ» arasyndaǵy kelisimniń aıaqtalýy, dep habarlaıdy aqshamnews.kz
«QazAQ» — qazaqstandyq avtorlyq quqyqtardy basqarýmen aınalysatyn uıym. Buǵan deıin Meta men «QazAQ» arasynda kelisim bolǵan, oǵan sáıkes Instagram qazaqstandyq oryndaýshylardyń mýzykasyn paıdalaný úshin roıaltı tólegen. Alaıda, «QazAQ» tólem kólemine qanaǵattanbaı, ony ulǵaıtýdy talap etken, biraq eki tarap kelisimge kele almady.
Osylaısha, kelisimshart merzimi aıaqtalyp, jańartylmaǵandyqtan, Meta qazaqstandyq mýzyka, sonyń ishinde tanymal ánshilerdiń shyǵarmalaryn platformada óshirýge májbúr boldy. Bul jaǵdaı kóp qoldanýshynyń narazylyǵyn týdyryp, qazaqstandyq mýzykany Instagram-da tyńdaı almaıtyn bolyp qaldy. Qashan jańa kelisim jasalyp, másele sheshiletini áli belgisiz. Sondyqtan, qazaqstandyq mýzyka súıer qaýym qazirgi ýaqytta basqa platformalar arqyly tyńdaýǵa májbúr.