Almatyda sý basýdyń aldyn alýǵa jáne qaladaǵy sý burýdy jaqsartýǵa baǵyttalǵan aryq jelisin aýqymdy jańǵyrtý jalǵasýda. Bul jumystar «Taza Qazaqstan» respýblıkalyq baǵdarlamasy jáne «Almaty – bizdiń ortaq úıimiz» qalalyq naýqany aıasynda júrgizilýde, dep habarlaıdy aqshamnews.kz
Aǵymdaǵy jyly ákim Erbolat Dosaevtyń bastamasymen qalanyń ártúrli ýchaskelerinde jumystar aıaqtaldy: Almatynyń shyǵys bóliginde 15 kóshede 7,4 km aryq jelisi qaıta jańartyldy, ortalyq bóliginde 67 kóshede uzyndyǵy 30,1 km aryqtar men nóser kárizi jańartyldy, batys bóliginde (Alataý, Naýryzbaı jáne Áýezov aýdandarynda) 20,5 km aryqtar salyndy. Sharalar gıdrologıalyq jaǵdaıdy jaqsartýǵa baǵyttalǵan, ásirese sý basý qaýpi joǵary aımaqtarda.
Qala turǵyndary jasalǵan jumystar úshin alǵys bildirýde.
«Polejaev kóshesindegi sý basý máselesi aqyry sheshilgenine óte qýanyshtymyz. Buryn qatty jańbyrda sý trotýar deńgeıine kóterilip, aýlalarymyzdy sý basyp, úlken qolaısyzdyqtar týdyratyn. Biraq jumysty aıaqtaǵannan keıin jolǵa sý jınalmaıdy jáne biz de jańbyrly aýa-raıynda da alańsyz júre alamyz. Osy mańyzdy iske qatysqandardyń barlyǵyna raqmet!»,- deıdi aýdan turǵyny Galına.
«Maqataev pen Jumalıev kósheleriniń qıylysyn sý basý barlyq jergilikti turǵyndar úshin naǵyz bas aýrýy boldy. Qatty jańbyrda sý joldardy basyp qana qoımaı, úılerdiń jertólelerine deıin kirip, kúrdeli máseleler týǵyzatyn. Qazir bul jaǵdaıdyń ózgergenine óte qýanyshtymyn-jasalǵan jumystardan keıin sý jınalmaıdy. Endi biz jańbyr jaýyp, bárin qaıtadan sý basyp ketedi dep qoryqpaı, kóshede emin-erkin júre alamyz», - deıdi kóshe turǵyny Jumalıeva Erlan.
Esterińizge sala keteıik, Almatyda qys mezgili qarsańynda «Taza Qazaqstan» jalpy respýblıkalyq baǵdarlamasy jáne «Almaty – bizdiń ortaq úıimiz» qalalyq naýqany aıasynda kóshe-jol jelisin, qoǵamdyq oryndardy, ózen arnalaryn, kóshe ýrnalaryn jáne aryq jelisin aýqymdy tazalaý jumystary júrgizilýde.
