Bir jyl ishinde taýar aınalymy 7%-ǵa ósti.
Bir jyl ishinde Qazaqstan esporty birden 11% ósip, ımport kólemi 3% ulǵaıǵan, dep habarlady Almaty-akshamy.kz Finprom.kz caıtyna silteme jasap.
2021 jylǵy qańtar-shildede Qazaqstan Respýblıkasynyń taýar aınalymy 53,7 mlrd dollarǵa jetti, bul bir jyl burynǵy kórsetkishten 7,4%-ǵa kóp.
Qazaqstannyń taýar aınalymynyń basym bóligi (59,7%) eksportqa tıesili boldy. Osy jyldyń basynan beri Qazaqstan syrtqy naryqqa 32 mıllıard AQSH dollaryna ónim jetkizdi, bul ótken jyldyń sáıkes kezeńimen salystyrǵanda 10,6% -ǵa kóp.
Import kólemi 21,7 mlrd AQSH dollaryn qurap, bir jyl ishinde 3% -ǵa ósti.
Kórsetkishter boıynsha, eń kóp saýda-sattyqty Qazaqstan Reseımen jasaıdy: 12,7 mlrd AQSH dollary - bir jyl burynǵy kórsetkishten 26,7% kóp. Úzdik úsh eldiń qataryna Qytaı (9,8 mıllıard dollar) men Italıa (4,8 mıllıard dollar) kiredi.
Qytaı Qazaqstannan eksporttaýda kósh bastap tur. Jyl basynan beri Qazaqstan bul elge 5,5 mıllıard AQSH dollaryna taýar jóneltti, bul ótken jylmen salystyrǵanda 5,6% -ǵa az. Eksporttyń aıtarlyqtaı kólemi Italıaǵa (4,4 mlrd. AQSH dollary) jáne Reseıge (3,9 mlrd. AQSH dollary) ketti.
Qazaqstanǵa ımport boıynsha Reseı aldyńǵy orynda tur: 8,9 mlrd AQSH dollary, bul bir jyl burynǵy kórsetkishten 19,4% -ǵa kóp. Úzdik úshtiktiń qataryna Qytaı ($ 4,3 mlrd) men Germanıa ($ 1 mlrd) kiredi.
Ústimizdegi jyly mıneraldy ónimder eksporttyń negizgi tarmaǵyna aınaldy: 21,4 mlrd AQSH dollary nemese Qazaqstan Respýblıkasynyń jalpy eksporttyq kóleminiń 66,7%. Onyń 18,3 mlrd dollary tikeleı otyn -energetıkalyq ónimderge tıesili boldy.
Eksporttyń taǵy 18,7% -y metaldar men metal ónimderine (6 mlrd. AQSH dollary), 6,3% -y janýarlar men ósimdikter men daıyn tamaq ónimderine (2 mlrd. AQSH dollary) tıesili boldy.
Sonymen qatar mashınalar men jabdyqtar, kólik quraldary, aspaptar men apparattar negizgi ımportqa aınaldy: 8,5 mlrd AQSH dollary. Importtalatyn taýarlardyń basqa tanymal sanattaryna - hımıa jáne onymen baılanysty salalar (3,7 mlrd dollar) jáne janýarlar men ósimdikter ónimderi, onyń ishinde daıyn tamaq ónimderi (2,5 mlrd dollar) jatady.
