Bul – qurlyq áskeriniń oqý-jattyǵýy bolatyn.
Áskerılerdiń daıyndyǵyn tekserý erteń aıaqtalady, dep habarlaıdy Almaty-akshamy.kz
Qazaqstannyń desanttyq-shabýyldaý áskeri Almaty oblysyndaǵy «Kóktal» taý polıgonynda qarýlanǵan toptyń kózin joıdy. Bul jattyǵý kezinde áskerılerdiń ázirligi ári beıtanys jerde shapshań áreket etý qabileti tekserildi.
Jalpy, áskerı oqý-jattyǵý eldiń birqatar polıgonynda júrgizildi. Aqtaý, Almaty, Shyǵys Qazaqstan men Qyzylorda óńirinde ornalasqan qurlyq áskeriniń quramalary Tótenshe jaǵdaı mınıstrligi, İshki ister men Ulttyq qaýipsizdik qyzmetimen ózara is-qımyly pysyqtaldy.
Áskerılerdiń daıyndyǵyn tekserýge 9 myńǵa jýyq jeke quram jumyldy. Sonymen birge 3 myńnan astam qarý-jaraq pen áskerı tehnıka, onyń ishinde 66 ushý apparaty men 8 áskerı keme jattyǵý isine qosylǵan.