El aýmaǵynda WhatsApp messendjeriniń jumysyn toqtatatyny týraly aqparat mektepterge taraldy.
Qazaqstandyqtardy alańdatqan bul aqparat shyndyqqa janaspaıdy, dep habarlaıdy Almaty-akshamy.kz
QR BǴM bilim berý mekemelerine nemese basqa jerlerge mundaı habarlamalar jibermegen.
«Mınıstrlik bilim berý uıymdaryna mundaı aqparat jibergen joq. Bilim jáne ǵylym salasyndaǵy barlyq ózekti jáne senimdi aqparat pen jańalyqtar áleýmettik jelilerde jáne QR BǴM saıtynda jarıalanady», – dep habarlady mınıstrliktiń baspasóz qyzmeti.
Messendjer Qazaqstan aýmaǵynda jumysyn toqtatady deýge eshqandaı negiz joq. Memlekettik organdardyń resmı saıttarynda da, BAQ-ta da tıis aqparat shyqqan joq. Sondaı-aq, Qazaqstanǵa qatysty eshqandaı sanksıalar engizilmegenin atap ótken jón.