Qazaqstan halqy Assambleıasynyń kezekti otyz birinshi sesıasy bastaldy.
Assambleıanyń bul jolǵy jıyny «El birligi – jańarǵan Qazaqstannyń tiregi» kún tártibimen ótedi, dep habarlaıdy Almaty-akshamy.kz QazAqparatqa silteme jasap.
«Qoǵamdyq kelisim» RMM dırektory Ǵalymjan Qusmanǵalıdiń aıtýynsha, sesıa eki kúnge josparlanǵan bolatyn.
«Birinshi kúni úsh seksıada pikirtalastar ótedi – «Ult keleshegi jáne QHA-ny jańǵyrtý, «Halyq birligi; bilimniń, mádenıettiń jáne azamattyq qoǵam men buqaralyq medıa ınstıtýttarynyń róli» jáne úshinshi seksıanyń taqyryby: «Qazaqstan halqy Assambleıasynyń jastar sesıasy» taqyryptary talqylanady. Ekinshi kúni QHA sesıasy Prezıdent Qasym-Jomart Toqaevtyń tóraǵalyǵymen ótedi», - dedi ol.
Buǵan deıin jazǵanymyzdaı, keshe ortalyq saılaý komısıasynyń tóraǵasy Nurlan Ábdirovtiń tóraǵalyǵymen vedomstvo otyrysy ótti. Onda QR Parlamenti Májilisiniń shyǵyp qalǵan depýtatynyń ornyna saılaý úshin Qazaqstan halqy Assambleıasynan usynylǵan kandıdattardy tirkeý máselesi qaraldy. Daýys berý bıylǵy 28 sáýirge taǵaıyndalǵan.