Sporttyq gımnastıkadan Qazaqstan quramasy Tashkentte ótip jatqan Challenge Cup halyqaralyq týrnırinde úsh birdeı júldege qol jetkizdi, dep habarlaıdy Aqshamnews.kz tilshisi Ulttyq olımpıada komıtetine silteme jasap.
Erler arasyndaǵy qos syryq jattyǵýynda İlıas Ázizov 13.100 upaımen kúmis júldeger atansa, onyń komandalasy Dmıtrıı Patanın 12.700 upaımen qola medalǵa ıe boldy. Bul baǵdarlamada birinshi oryndy ózbekstandyq Ahrorhon Temırhonov 13.550 upaımen jeńip aldy.
Al áıelder arasyndaǵy bórene jattyǵýynda Kórkem Erbosynqyzy 12.100 upaı jınap, úshinshi orynǵa taban tiredi. Bul synda altyn júlde Aljır sportshysy Kaılıa Nemýrǵa (13.300 upaı), kúmis medal Ózbekstan ókili Odınahon Robıdjonovaǵa (12.500 upaı) buıyrdy.