Almaty irgesindegi eldi meken turǵyndarynyń shaǵymynan keıin gaz tarıfi tómendedi, - dep habarlaıdy Almaty-akshamy.kz Tengrinews.kz-ke silteme jasap.
Buǵan deıin, Almaty oblysynyń Qarasaı aýdany turǵyndarynyń taýarlyq gazǵa bólshek saýdada ótkizýdiń joǵary baǵalary qatysty «Sıgma-GAZ» JSHS-nyń is-áreketterine shaǵymdary aıasynda, QR UEM Tabıǵı monopolıalardy retteý komıtetiniń Almaty oblysy boıynsha departamenti 2021 jylǵy 1 qyrkúıekten bastap 2023 jylǵy 17 qańtarǵa deıingi kezeńde atalǵan sýbektiniń qyzmetine jospardan tys tekserý júrgizgeni habarlanǵan bolatyn.
«Atalǵan tekseris barysynda, TMRKD taýarlyq gazdy tasymaldaý boıynsha tarıfterdiń negizdiligin, sondaı-aq tutynýshylar úshin taýarlyq gazdy satýǵa arnalǵan bólshek baǵalardyń baǵa belgileý tártibiniń saqtalýyn tekserdi. Anyqtalǵan buzýshylyqtardyń nátıjeleri boıynsha, TMRKD «Sıgma-GAZ» JSHS-na jalpy somasy 2 mln.teńgeden astam aıyppul saldy, sondaı-aq gazben jabdyqtaý qyzmetteriniń tarıfteri men baǵalaryn qaıta qaraý úshin ýákiletti organǵa ótinimdermen júginýge usynys berdi», - delingen habarlamada.
Osylaısha, bıyl aqpanda «Sıgma-GAZ» JSHS TMRKD-ǵa gaz tasymaldaý tarıfin jáne taýarlyq gazdyń bólshek saýda baǵasyn qaıta qaraýǵa ótinimder usyndy, olar boıynsha naýryzdyń basynda barlyq múddeli tulǵalardyń, onyń ishinde tutynýshylardyń qatysýymen jarıa tyńdaýlar ótkizildi.
««Sıgma-GAZ» JSHS-nyń ótinimderdegi shyǵyndarynyń baptaryn muqıat taldaý nátıjesinde, Almaty oblysy boıynsha TMRKD 2023 jylǵy 10 naýryzda taýarlyq gazdy gaz taratý qubyrlary arqyly tasymaldaýǵa arnalǵan tarıfti nemese 57,04 paıyzǵa tómendetti. Sondaı-aq, 2023 jylǵy 10 naýryzdaǵy TMRKD-nyń dáleldi qorytyndysymen jabdyqtaý ústemesi jáne negizdelgen shekti baǵa 2023 jylǵy 1 sáýirden bastap qoldanysqa engizile otyryp, 28 945,22 teńge (QQS-pen) mólsherinde, onyń ishinde tutynýshylar toptary boıynsha bekitildi:
- turmystyq tutynýshylar (halyq) - 34 755,5-den 28 945,22-ge deıin, tómendeý 16,7 paıyzdy nemese 5 810,28 teńgeni qurady;
– basqa zańdy tulǵalar men búdjettik uıymdar-34 755,5-den 32 106,15-ge deıin, tómendeý 7,6 paıyzdy nemese 2 649,35 teńgeni qurady;
– memlekettik ataýly áleýmettik kómek jáne (nemese) turǵyn úı kómegin alatyn turmystyq tutynýshylar (halyq) - 34 755,5-den 23 156,18-ge deıin, tómendeý 33,37 paıyzdy nemese 11 599,32 teńgeni qurady", - delingen habarlamada.
QR UEM Tabıǵı monopolıalardy retteý komıteti tabıǵı monopolıalar sýbektileri men qoǵamdyq mańyzy bar naryqtardyń tarıfteri men baǵalaryn qalyptastyrýdyń ashyqtyǵy men aıqyndyǵyn qosymsha atap ótetinin, olardyń bekitilýi erekshe baqylaýda ekenin málimdedi.