Ara uıasyna arnalǵan maýsymdyq normatıv - 5 myń teńge.
Eýroodaq sarapshylary Qazaqstan tarapymen birlesken jumys júrgizýde, dep habarlaıdy Almaty-akshamy.kz ASHM baspasóz qyzmetine silteme jasap.
EO sarapshylary Veterınarıalyq baqylaý jáne qadaǵalaý komıtetiniń qyzmetkerlerimen jáne Qazaqstan Respýblıkasy Aýyl sharýashylyǵy mınıstrliginiń vedimistik baǵynystaǵy uıymdarymen birlese otyryp, bal eksportyna EO talaptaryn naqtylaý jáne engizý boıynsha jumys júrgizýde.
Taraptar bal qaldyqtaryn baqylaýdyń ulttyq josparyn daıyndaý úshin mısıa jospary men qujattamany talqylady. İs-shara aıasynda qatysýshylar zerthanalarǵa baryp, workshop ótkizdi. Sonymen qatar, jospardyń iske asyrylýyn talqylaý úshin bal óndirýshiler shaqyryldy.
2023 jyldyń segiz aıynda Qazaqstan 22 tonna bal eksporttady. Onyń ishinde Saýd Arabıasyna - 11,9 tonna, Qyrǵyzstanǵa - 5 tonna, Iordanıaǵa - 1,3 tonna. Sondaı-aq, otandyq bal Qytaıǵa, Túrkıaǵa, Reseıge, Mońǵolıa jáne Gonkongqa jiberildi. 2022 jyly óndiris 3 910,7 tonnany qurady. Bal óndirisiniń negizgi úlesi SHQO (1833,1 tonna), Almaty (254,5 tonna), Pavlodar (416,7 tonna), Túrkistan (219,9 tonna), Abaı (371,2 tonna) jáne Jetisý (293,6 tonna) sıaqty óńirlerge tıesili.
Ónimniń qaýipsizdigine keletin bolsaq, "Veterınarıa jónindegi ulttyq referenttik ortalyq" balǵa monıtorıńtik zertteýler júrgizedi. Eksport jáne ımport kezinde óńirlik fılıaldar "Respýblıkalyq veterınarıalyq zerthana" zerthanalyq zertteýler júrgizedi. Olar lastaýshy zattardyń (antıbıotıkterdiń, pestısıdterdiń) qaldyq mólsherin jáne ýytty elementterdiń (aýyr metal tuzdarynyń) shekti ruqsat etilgen shoǵyrlaný mólsherin anyqtaıtyn bolady.
Sonymen qatar, Qazaqstanda omartashylar úshin bal ara uıalarymen asyl tuqymdyq jáne seleksıalyq jumystardy júrgizýge sýbsıdıa retinde memlekettik qoldaý bar. Ara uıasyna arnalǵan maýsymdyq normatıv - 5 myń teńge. 2023 jyly jergilikti atqarýshy organdar sýbsıdıalaýǵa 422,5 mln teńge bóldi, al bir jyl buryn bul soma 370,3 mln teńgeni qurady.