Qarjylyq monıtrıng agenttiginiń Mańǵystaý oblysy boıynsha departamenti "ÓzenMunaıGaz" AQ basshylyǵyna qatysty tergeýdi aıaqtap, qylmystyq isti sotqa jiberdi, dep habarlaıdy almaty-akshamy.kz.
Qarjylyq monıtorıń agenttiginiń baspasóz qyzmetiniń málimetine súıensek, "ÓzenMunaıGaz" AQ bas dırektorynyń orynbasary Baýyrjan Mambetsapaev qyzmettik ókilettikterin asyra paıdalandy degen kúdikke ilindi. Tergeý nusqasy boıynsha, ol is júzinde jumys istemeıtin jáne negizsiz jalaqy alǵan tanystaryn jalǵan jumysqa tartqan.
"ÓzenMunaıGaz" AQ bas dırektorynyń taǵy bir burynǵy orynbasary E.Karamýrzaevqa uńǵymalardy jerasty jóndeý boıynsha zańsyz tender ótkizý arqyly satyp alýǵa qatysqan basqa qatysýshylardyń múddelerine nuqsan keltirip, jekelegen kompanıalardyń múddelerin qorǵady degen aıyp taǵyldy. Keltirilgen shyǵyn kólemi – 623 mln teńge.
"Sonymen qatar aldyn ala sóz baılasý arqyly senip tapsyrylǵan 294 mln teńgeni jymqyryp, talan-tarajǵa salǵan "ÓzenMunaıGaz" AQ munaı-gaz óndirý basqarmasy dırektory men jetkizýshige aıyp taǵyldy".