Astanada Digital Bridge 2022 halyqaralyq tehnologıalyq forýmynyń plenarlyq otyrysynda Memleket basshysy osylaı dedi.
Elimizde tórtinshi ret ótip jatqan forýmnyń taqyryby – «Ortalyq Eýrazıa jańa tehnologıalyq platforma retinde qalyptasýda», dep habarlaıdy Almaty-akshamy.kz
Jıynǵa Memleket basshysy Qasym-Jomart Toqaev tóraǵalyq etti.
«Sarapshylardyń boljamy boıynsha, on jyldan keıin álemdegi ónimder men qyzmetterdiń 70 paıyzy sıfrlyq platformalyq modelderge negizdeledi. Osyndaı jaǵdaıda Qazaqstan óz aldyna eýrazıalyq keńistiktegi eń iri sıfrlyq habtardyń birine aınalý strategıalyq mindetin qoıdy. Bul úshin berik negiz bar. Búginde Qazaqstan kóptegen damyǵan elden ozyp, BUU-nyń sıfrlanǵan memleketter reıtıńinde úzdik otyz eldiń qataryna kiredi. Qazaqstan sıfrlandyrýdyń damytý vektoryn mazmundyq jaǵynan da, ınstıtýsıonaldyq turǵysynan da naqty aıqyndaǵanyn atap ótken jón», - dedi Memleket basshysy jıyn barysynda sóılegen sózinde.
Aıta ketý kerek, elimizdiń IT salasyndaǵy eń iri is-shara osymen tórtinshi ret ótip jatyr.
Forýmǵa halyqaralyq IT-qoǵamdastyqtyń kóshbasshylary, tehnologıalar salasyndaǵy otandyq jáne sheteldik sarapshylar, sıfrlyq ázirlemeler salasyndaǵy kásipqoılar, IT-kompanıalar men startaptar, venchýrlyq ınvestorlar, memlekettik organdar qatysady.