Qazirgi qoldanystaǵy zańnamada – 14-29 jas aralyǵy jastar sanatynda.
Jastardyń jasy 14 jastan 35 jasqa deıin bekitý usynylady, dep habarlaıdy Almaty-akshamy.kz
Nátıjesinde burynǵydan eki ese kóp – 6,2 mln adam (el halqynyń úshten bir bóligi) jastar sanatyna jatady. Olar jastardy qoldaý baǵdarlamalaryna tartylady.
Bul týraly Memlekettik jastar saıasaty máseleleri boıynsha májiliste qaralǵan zań jobasynda jazylǵan. Zań jobasyn depýtattar birinshi oqylymda qarap, maquldady.
Zań jobasynyń maqsaty memlekettik jastar saıasaty salasyndaǵy qoǵamdyq qatynastardy keshendi retteýdiń tıimdi quqyqtyq negizin qalyptastyrý bolyp tabylady. Zań jobasynda Halyq densaýlyǵy jáne densaýlyq saqtaý júıesi týraly kodekske, sondaı-aq «Memlekettik jastar saıasaty týraly» zańǵa ózgerister men tolyqtyrýlar engizý kózdeledi.
NEET sanatyndaǵy jastarmen jumys boıynsha memlekettik organdardyń jaýapkershiligi naqty bekitiletin bolady:
Eńbek jáne halyqty áleýmettik qorǵaý mınıstrligi - jumyssyz jastarmen;
Bilim mınıstrligi - biliktilikti arttyrý jáne qaıta daıarlaý bóliginde;
İshki ister mınıstrligi - devıantty minez-qulyqty jastarmen jáne bas bostandyǵynan aıyrý oryndarynan bosatylǵan;
Aqparat jáne qoǵamdyq damý mınıstrligi - jastar resýrstyq ortalyqtary, salaaralyq úılestirý jáne aqparattyq súıemeldeý arqyly jastarmen jumys isteıdi.